गांवाकडच्या गप्पा

गांवाकडच्या गप्पा

सम्या :- कथा तरफडणा होता रे रम्या ? १ घंटा झायेना तुन्ही वाट द्खी रहायानुत. बेवड्या भटुर पी संन्ही पडणा होता का काय कुठे ?

रम्या :- काय डांबर्या मारी रहायाना मी अर्धा घंटा पहिले तर इगउ आठे. कोन्ही बांडबिचू बी होत न्हई. इच्यार त्या पिंट्याले.

पिंट्या :- शिलगाडारे तथा तुम्न्ह्या गप्पासले. पहिले हाई सांगा कि गाडाबैल ना काही जुगाड झाया का न्हई ?

आप्पा :- कायभो कोणत्या एवढ्या बाता रंगेल शेतीस ?

रम्या :- दखा राजाले दिवाई माहितीज न्हई.

आप्पा :- काय झाये ?

रम्या :- शेवंता बाईना तमसा शे ना

आप्पा :- चला मी बी येस मंग. बाई बी घर न्हई शे तथाच टाईमपास करी ल्हेसु आजना दिन.

चिम्या :- बंट्या ! "गायछाप दे रे "

बंट्या :- फक्त चुना शे देऊ का ?

चिम्या :- तो काय तठे लाऊ का ?

सम्या :- हाई ल्हेरे मन्ही बी बन्हाव.

पिंट्या :- मी काय म्हणी र्हयणु- गाडानी सोय होत नशीन ते आत्तेज दुडक्या धरुत बाल्लास्म्हा लाक्सा. शार्तकत शे १० वाजे पर्यंत पोहोची जासुत.

सम्या :- झकामाराले !!! त्या दादाभून गाड्बयील आज घरच शे. तेन्हाम्हाच जाउत. व्हाय तंरे चिमाआप्पा जुपी ल्हय, आम्ही गांव भायेर त्या पिप्पय्ना झाडफा थांबथस.

रम्या :- जाऊद्यारे तथा, देन्हार न्हई तो. काल्दिन रात्ले तेन्हा धन्ड्यान शिंगड लाईट ना खाम्बाम्हा आटकीसन मुडी गये.

आप्पा :- बहिण पंचायत हुईगई सली जावानी. बंट्या! मंघना टाईम नि टी छामिया बी येयेल शे का रे ?

बंट्या :- माले काय इच्यारस मी काय सोंगाड्या शे का तठला ? बाळूमामा हजरिले जायेल होता तेलेच इच्यारी ये.

आप्पा :- शिल्गाड तेले तथा. पस्ला पडणा हुई तो वर तंगड्या करी सन.

सम्या :- एक आयड्या शे भो, भावाश्या घर शे का दखी या तेन्ही टुकटुकी खाली हुई त तिज ल्ही जाउत.

पिंट्या :- आरे तो कंजूसगांना तम्हासा साठे गाडी दिन का ?

सम्या :- तो काबर देन्हार न्हई तेन्हा बाप बी दिन. काल्दीनच बांगरूशेठ ना दुकानव्हर पावशेर जिलेबी खावाडी तेल्हे.

आप्पा :- तेले मरू द्या तथा. ती दखा कपाशीनि गाडी ई र्हायनी. तिलेच लटका सर्वाझन.

भुर्र्रर्रर्र .....................

(सर्व नांवे व घटना काल्पनिक आहेत.)